ما بين اطيع و بين اخشم وماطيع
شمسي بدت بأول نهاره تلييل
غريب فكر وخفت من ربعي اضيع
احط عن ظهر المطيه واشييل
ماقول ذقت من المرار القراطيع
واقول لا خيل بي الشعر خيل
ما يتعبني عاتيات الزعازيع
لو كان يتعبني هبوب الشميل
يسمح لي الغر الضحوك المريبيع
والشمري راعي العقال المييل
لا قلت لي بأطراف الاقصى مفاريع
عـورات واماً بالعراق توييل
سبو نبيي وسمموا لي مراضيع
والي حصل من ربعنا مو قليل
شر الموايد يوم قمنا مشابييع
على شرف دمعة عجوز وعَيل
حتام يا رباه وعقولنا جييع
وبطوننا منها المخالي اتكيل
نام الضمير وقالي يحرم البيع
قبل الندا وعقب الندا رد قيل
ضحية الوضع الردي بالمواضيع
خلتني انحل فلسفه والتخيل
شفت بعتيق الباب ليا فقاقيع
وانا بعرقوبه كسرت المهيل
ياهم قلبي والعيون المداميع
من وين ما حايلتها ما تحيل
علقت شعري في صدور المداريع
والي زعل راعي الوشاح المذيل
وده اقول ان مرني لعتني ليع
لبا عيونك ياعيون الغزيل
وأنا على كرهي لأنا ودي اذيع
احلى تحيه للأمين الجميل
شوباش ياوجه الورق والتواقيع
رقيب ذاتي طايحاً بي تغيل
هبت السلام لحسبتي للمواديع
ياليلة(ن) سوداء وحضن منيل
